Cors sus er Envielhiment Actiu organizat peth Conselh Generau d’Aran e era Universitat Ramón Llull

Eth passat 6,7 e 8 de Junhsèga s'amièc a tèrme eth cors "Coma trabalhar en Envielhimet Actiu e era Solidaritat Intergeneracionau. Prepauses pedagogiques practiques". Aguest cors ei part deth convèni de collaboracion entre eth Conselh Generau d'Aran, e era Universitat Ramon Llull, signat eth passat 21 de març de 2012 e compdèc damb era assisténcia d'ua vintea d'alumnes. Siguec dirigit peth Sr. Xavier Lorente i Guerrero, professor dera Facultat d'Educacion Sociau e Trabalh Sociau Pere Tarrés (URL), e se fondamentèc ena creacion de contèxtes pluraus e de qualitat, a on es persones poguen créisher e optimizar es sòns coneishements e abilitats, entà afrontar eth pas des ans. 


Eth cap de Politica Linqüística deth Conselh Generau, Sr. Jusèp Loís Sans, prononcièc ua conferéncia as alumnes deth cors sus era lengua aranesa (varietat dera lengua occitana, parlada ena Val d'Aran).


Per un aute costat, eth Conselh Generau d'Aran, tà complementar es tèmes d'aquest cors orqanizèc ua visita quidada tath Musèu dera Val d'Aran, era Fabrica dera Lan, e er Ecomusèu Casa Joanchiquet, a carque, deth Sr. Jèp de Montoya, Cap de Cultura e Patrimoni deth C.G.A. e damb era intervencion dera Sra. Carol Desel, Directora deth Musèu dera Val d'Aran. 


Ath delà, eth Conselh Generua, metec a disposicion des alumnes deth cors, es installacions e aules dera Escòla Tecnica Esportiva dera Val d'Aran (ETEVA), en Salardú, tà poder hèr es classes corresponentes.


Eth Cap de Politica Linquistica deth C.G.A., assequrèc que: "Aquest convèni de collaboracion damb era Universitat Ramon Llull, fomente era valor dera education coma esturment de mielhora ena formacion personau e sociau".